Pamjet nga kamerat e sigurisë kanë dëshmuar se ish-futbollisti i Kombëtares së Anglisë U-17, Riccardo Calder, e kishte rrahur brutalisht një grua në një parking.
Calderi u dënua me nëntë muaj burg më 12 dhjetor pasi e sulmoi një shoqe të tij, e cila aksidentalisht e kishte goditur veturën e tij me veturën e saj në parking.
Ish-lojtari i Aston Villës u dënua për sulm dhe shkaktim të plagëve trupore. Pamjet nga kamerat e sigurisë dëshmojnë se Calder e kishte sulmuar gruan në parkingun e The Horseshoe Pub në Birmingham më 7 maj.
Gruaja e kishte goditur veturën e Calderit, të cilin e kishte shok. Në video, e cila u përdor në gjykatë, Calder shihet duke e hapur derën e veturës së gruas, të cilën pastaj kishte filluar ta godiste.