Sulmuesi Rey Manaj duket se ka gjetur veten tek ekipi i Albacetes. Ish-lojtari i Interit po bën mirë në ligën e dytë spanjolle, pasi përveç minutave po shënon në mënyrë konstante. Lushnjari ka realizuar sërish në ndeshjen që po luhet në transfertë kundër Numancias duke i dhuruar avantazhin skuadrës së tij në minutën e 21′ për 0-1.
Albacete fitoi një penallti që e mori përsipër sulmuesi i kombëtares shqiptare. 21-vjeçari nuk gaboi dhe përshëndeti rrjetën duke shënuar golin e tij të katërt në skuadër. Ai kthehet në golashënuesin e ekipit të tij, pasi kap me 4 gola sulmuesin tjetër Zozulya, por ky i fundit ka 4 ndeshje më shumë.
Shqiptari po konfirmohet si një “ujk” goli në skuadrën e tij. Ai është një element i mirë dhe për kombëtaren tonë me trajnerin Christian Panucci që herë pas here i ka besuar dhe fanellën e titullarit.
