Pasi u shkarkua nga pozita e trajnerit të Manchester Unitedit, Jose Mourinho para disa minutash u largua nga hoteli në të cilën qëndroi gjatë këtyre dy viteve e gjysmë në pozitën e trajnerit të “Djajve të kuq”, Hotel Lowry.
Mourinho u shkarkua sot nga pozita e trajnerit të Manchester Unitedit në sezonin e tij të tretë me klubin anglez, pas disfatës kundër Liverpoolit me rezultat 3-1 në fundjavë. Në 144 ndeshje me “Djajtë e kuq”, Mourinho i ka arritur 84 fitore, 32 barazime , 28 humbje, me më një përqindje prej 58.3 fitoreje.
“Mirupafshim, djelmosha”, dëgjohet duke i thënë Mourinho gazetarëve të cilit kishin shkuar para hotelit ku ai qëndroi për këto dy vite e gjysmë në Mançester.
Portugezi u përshëndet me stafin e hotelit dhe me fotografët dhe u largua nga hoteli të cilin e kishte pasur si shtëpi 895 ditë. Kur një nga personat e pranishëm e pyet atë se si po ndihet, Mourinho përgjigjet vetëm duke thënë: “Në rregull, shoku im”.
Në sezonin e tij të parë me Manchester Unitedin, Mourinho i fitoi tre tituj: Evropa Ligë, League Cup dhe Community Shield. Sezonin e kaluar, të dytin për të, ai nuk arriti të fitojë asnjë titull me klubin e tij.
Mirëpo, ky sezon ka qenë mjaft zhgënjyes për Manchester Unitedin, pasi që ata tashmë janë 19 pikë prapa liderëve, Liverpoolit, dhe kjo gjë ka bërë që ai të shkarkohet nga pozita e trajnerit pas dy viteve e gjysmë në këtë pozitë.
"Bye guys.” 👋
Jose Mourinho departs The Lowry Hotel this afternoon, after being sacked by @ManUtd today. 🏨
Follow updates and reaction after Jose Mourinho is sacked as @ManUtd manager here: https://t.co/kouvEuOFMj pic.twitter.com/hbpxrfTKcQ
— Sky Sports News (@SkySportsNews) December 18, 2018
