Manchester United po planifikon blerjen 90 milionë paund nga Seria A.
Pas humbjes së mbrëmshme Manchester United ka konfirmuar se është futur thellësisht në krizë dhe e ka të vështirë të gjejë fitoret. Jose Mourinho e ndjen se situata po i del jashtë kontrolli ndaj dëshiron të forcojë të repartet e tij, mbrojtja e cila “firoi” gjatë verës ka nevojë urgjente për përforcime në janar dhe sytë e teknikut janë drejtuar në një ekip italian.
“The Sun” zbulon se Manchester United kërkon të blejë mbrojtësin e Napolit, Kalidou Koulibaly. Menaxherët e klubit do të ndjekin mbrojtësin qendror në ndeshjen kundër Liverpool-it të martën në Champions League.
Klubi është i gatshëm të paguajë një çmim deri në 90 milionë paund për të siguruar shërbimet e 27 vjeçarit, i cili së fundmi ka firmosur një kontratë afatgjatë me Napolin.