Lorenzo Insigne është larguar nga grumbullimi me Italinë, për shkak të një dëmtimi që ai kishte pësuar më Napolin dhe e shoqëroi atë edhe te kombëtarja.
Sulmuesi 28-vjeçar u zëvendësua nga Anchelotti pas përfundimit të pjesës së parë, në ndeshjen kundër Juventusit, e cila u mbyll me fitoren e këtyre të fundit me rezultatin 4-3.
Sipas asaj që shkruan “Corriere dello Sport”, lojtari kishte pësuar një dëmtim gjatë nxehjes para fillimit të sfidës kundër bardhezinjve.
Gjithsesi këtë dëmtim ai nuk ia kishte treguar as mjekëve të klubit as vetë trajnerit. Këtë e bëri për shkak se donte me çdo kusht të luante në ndeshjen me “Zonjën e Vjetër”.
Sulmuesi ka pësuar një dëmtim muskulor dhe pritet të kthehet në fushën e lojës para sfidës së 17 shtatorit kundër Liverpulit.
