Arsenali e ka mposhtur sot Burnleyn me rezultatin 3-1 në kuadër të xhiros së 18-të në Premierligë të shtunën në “Emirates Stadium”.
Meritori i fitores pa dyshim ishte Pierre-Emerick Aubameyang me dy golat e tij, kështu duke i dhënë skuadrës së Unai Emery tre pikë të rëndësishme.
Skuadra e Unai Emery i kthehet fitores pas humbjes 3-2 në javën e kalaur nga Saouthamptoni.
Me këtë fitore Arsenali ka 37 pikë në pozitën e pestë, po aq pikë sa ka edhe Chelsea me një ndeshje më pak, kurse Burnley mbetet në pozitën e 18-të me 12 pikë.
Aubameyang shënoi golin e parë për 1-0 në minutën e 14’ pas një aksioni të bukur
Me fillimin e pjesës së dytë Aubameyang shënoi përsëri për 2-0, që ishte dhe goli i tij i dytë personal i takimit.
Burnley arriti ta shënoj vetëm një gol, dhe atë e bëri në minutën e 63’ me anë të Ashley Barnes pas një rrëmuje në mbrojtjen e Arsenalit.
Alex Iwobi u kujdes për rezultatin final duke shënuar për 3-1 në momentet e fundit të takimit
Arsenali në ndeshjen e ardhshme luan si mysafir ndaj Brightonit, kurse Burnley e pret në shtëpi Evertonin.
