Neymar mund të jetë aktualisht futbollisti më i shtrenjtë në historinë e futbollit, pas transferimit nga Barcelona te PSG për shumën e €222 milionë, por nëse do të merrej parasysh inflacioni, në të vërtetë është Ronaldo Fenomeni ai që vijon të mbajë rekordin si transferimi më i kushtueshëm.
Një studim i realizuar nga “Play Ratings”, zbuloi se duke shtuar inflacionin dhe marrë në konsideratë ndryshimin monetary, transferimi i kushtueshëm i Ronaldo Fenomenit nga Barcelona te Inter, do të ishte më i shtrenjti, pasi do të përkthehej në tregun e sotshëm në plot €433 milionë.
Sipas të njëjtit studim, në vend të dytë renditet transferimi i Maradonës në 1984, që do të kushtonte sot në merkato €345 milionë. Transferimi i tretë më i shtrenjtë klasifikohet ai Platini i vitit 1982, që me valutën e sotme konvertohet në €334 milionë, ndërsa i katërti renditet ai i Van Basten në vitin 1987, që do të vlente sot €328 milionë.
