Nuk po ecin mirë punët për lojtarët shqiptarë, ku pas Mavraj edhe Cikalleshi do të largohet nga klubi i tij.
Sipas medias turke “Fanatik”, klubi i Goztepe do të largojë sulmuesin kavajas bashkë me shokun e tij të skuadrës, Gufran, pasi sipas trajnerit, asnjëri prej tyre nuk ka arritur të përmbushë pritshmëritë për të vazhduar të jetë pjesë e klubit.
Karriera e Sokol Cikalleshit nuk ka pasur ritme pozitive, ku pasi ka humbur vendin e tij në kombëtaren që drejtohet nga Kristian Panuçi, ai duhet të gjejë dhe një skuadër para mbylljes së merkatos së dimrit.
