Vendimet disiplinore në Serie A kanë prekur edhe trajnerin e Juventusit, Massimiliano Allegri. Ndaj këtij të fundit është vendosur një gjobë prej 10.000 euro, për arsyet e mëposhtme: “Pas ndeshjes, në dhomën e zhveshjes, ka shprehur vlerësime fyese në drejtim të zyrtarëve të Prokurorisë Federale”.
Për Allegrin, vendimet e marra në rrjedhën e 90 minutave të lojës nga arbitri Banti kanë qenë të diskutueshme, veçanërisht në kartonin e dytë të verdhë për Bentancur.
Trajneri bardhezi, në konferencën për shtyp ishte i etur për të vënë në dukje se qëndrimi i tij nervoz lidhej kryesisht me lojtarët e vet, nga të cilët nuk ka mbetur i kënaqur në Bergamo.
