Një incident i tmerrshëm ndodhi ditën e sotme, rreth orës 14:00, në kryqëzimin mes rrugës Potenza dhe Luini, në Torino. Makina që është përplasur me patrullën e policisë, me dy agjentë në bord, ishte një Mercedes Coupe që transportonte disa futbollistë të ekipit Primavera të Juventusit. Makina e policisë është përmbysur pas përplasjes së fortë, ndërsa agjentët ndodhen në spital, edhe pse jashtë rrezikut për jetën.
Në vendngjarje ka pasur edhe ambulanca të ndryshme, që kanë transportuar në spital edhe lojtarët e Juventusit. Tre futbollistët kanë marrë plagë të lehta.
