Francesco Totti ka folur për VAR pas barazimit 2-2 të Roma-s ndaj Inter. Kryeqytetasit kanë dërguar vetëm legjendën e klubit Totti për të folur me mediat pas ndeshjes.
“Ishte një ndeshje e hapur mes dy skuadrave të mëdha që kanë shënuar katër gola, duke krijuar edhe shumë mundësi të tjera, ishte një ndeshje e bukur,” shprehet tashmë drejtori për Sky Sport Italia.
Arbitri nuk akordoi një penallti 30 sekonda përpara se Inter të kalonte në avantazh pasi D’Ambrosio duket se ka penguar Zaniolo-n brenda zonës.
Gjëja më e habitshme ishte se arbitri Rocchi nuk shkoi për ta parë rastin me VAR.
“Të gjithë e pamë, nuk ka nevojë të përshkruhet. Dua të di, siç duan edhe të tjerët, se si VAR nuk e pa atë faull. Ne të gjithë e pamë nga një ekran më i vogël. Është e turpshme!
“A nuk ishte ky qëllimi i VAR, Për të parë rastet e dyshimta? Rocchi edhe nuk mund ta ketë parë, por nuk është ky problemi. VAR duhet ta kishte parë. Nuk mund të vazhdojmë kështu.”