Raphael Varane pritet që ta kalojë tërë karrierën e tij me Real Madridin.
Mbrojtësi francez thuhet se i ka treguar Sergio Ramosit që do të qëndrojë në “Bernabeu” dhe të vazhdojë partneritetin e tij me kapitenin spanjoll.
Varane vlerësohet shumë nga presidenti Florentino Perez, pasi nga ai priten edhe shumë gjëra të mëdha në vitet e ardhshme.
Francezi erdhi në Real nga Lensi në vitin 2011, dhe deri më tani ka 252 paraqitje, 10 gola e gjashtë asistime.
Brenda këtyre viteve, Varane ka fituar plot 16 tituj me klubin mbretëror, duke përfshirë katër herë Ligën e Kampionëve dhe dy herë La Ligën.
