Ish-sulmuesi i njohur argjentinas Hernan Crespo ka marrë për herë të parë në karrierë drejtimin e një skuadre. Banfield, ekipi që konkuron në kategorinë e parë të futbollit të Argjentinës i ka besuar 43-vjeçarit rolin e teknikut. Vetë numri 2 i klubit, Oscar Tucker e ka konfirmuar një gjë të tillë.
“Hernan ka prezantuar te ne projektin e tij, ne kemi arritur një marrëveshje verbale, dhe ai në ditët në vazhdim do të udhëtojë drejt Bounes Aires. Ne shpresojmë që të nënshkruajmë kontratën dhe ta prezantojmë atë para tifozëve para Krishtlindjeve”, shprehet zv/presidenti i Banfield.
Crespo renditet mes njërit prej sulmuesve më të mirë të viteve ’90-ë. Ai bëri emër në Itali me Parmën, Lacion, Interin, Milanin duke qenë njëri prej golashënuesve më të mirë.
