Presidenti i Atletico Madrid Enrique Cerezo thekson se ekipi i tij e ka mposhtur edhe më parë Juventus-in.
Dy skuadrat do të përballen me njëra-tjetrën në fazën e 1/8-ave të Champions League, ky ishte verdikti i shortit të hedhur paraditen e së hënës.
Herën e fundit që janë ndeshur ka qenë faza e grupeve në sezonin 2014/15.
“Nuk është hera e parë që kemi luajtur kundër tyre, dhe madje kemi fituar,” shprehet Cerezo për AS.
“Ne kemi një stimul të madh këtë sezon, duke parë që finalja e kompeticionit do të luhet në stadiumin tonë.”
Finalja e Champions League do të zhvillohet në Wanda Metropolitana më 1 qershor.
