Interi është duke menduar ta kthejë Mateo Kovacicin në skuadër, si alternativë të Luka Modricit, sipas mediave italiane.
Mesfushori kroat u largua nga klubi zikaltër në vitin 2015 dhe iu bashkua Real Madridit, por këtë sezon u huazua në Chelsea.
Në marrëveshjen mes Madridit dhe Chelseat nuk ekziston ndonjë opsion për ta blerë kroatin, prandaj, sipas Tuttosportit, Interi është duke e konsideruar mundësinë për ta kthyer në skuadër Kovacicin.
Drejtori sportiv i Interit, Piero Ausilio, ka kohë që po bën përpjekje për ta blerë një mesfushor kreativ, derisa verës së 2018-es tentoi ta transferojë kroatin tjetër, Luka Modricin.
