Gazeta prestigjioze “The Sun” ka zbuluar një skandal të vërtetë teksa futbollistët e Arsenalit, festojnë në parti duke përdorur drogë dhe alkool.
Ngjarja sipas prestigjiozes ka ndodhur në muajin gusht.
Në parti kanë marrë pjesë disa nga yjet e Arsenalit, Ozil, Pierre-Emerick Aubameyang, Mustafi, Kolasinac, Lacazete, Mkhitaryan.
Gjithashtu në parti morën pjesë dhe 7 vajza, duke thelluar dhe më shumë skandalin.
“Ozil dukej tapë, nuk qëndronte dot në këmbë dhe një moment u duk sikur humbi ndjenjat dhe iu desh të ulej. Një lojtar i ri u nxit nga të tjerët të provonte drogën dhe ai u bë edhe më keq”.
Ndërkohë Arsenali i humbi dy ndeshjet e para në kampionatin anglez ndaj Manchester City dhe Chelsea, ky skandal me sa duket ka ndikuar tek lojtarët duke shfaqur rendimentin e dobët në skuadër në fillim të sezonit.
Sipas “The Sun”, klubi Arsenalit pritet të marrë masa ndaj lojtarëve, ku nuk përjashtohet pezullimi.
