Martin Firpo, mbështetësi i zjarrtë i River Plate, që sulmoi autobusin e Boca Juniors, e pranoi gabimin e tij.
Ishte guri i hedhur prej tij, ai që gjeneroi incidentet e dhunshme më tej.
Ai pranoi se ndihej keq për atë që ndodhi dhe u justifikua për veprimin e tij, duke treguar se ishte një impuls, që nuk mundi ta kontrollonte.
“Ishte një moment, në të cilin nuk dita ta kontrolloja veten dhe për këtë më vjen keq”, tha tifozi, i cili do t’i nënshtrohet një gjyqi të shkurtuar, që mund ta dënojë atë me dy vite e katër muaj burgim.
Nga ana tjetër, agresori, i cili provokoi incidentet, tha gjithashtu: “Shkova në stadium me familjen time dhe nuk duhej t’i bëja këto gjëra. E di që kam gabuar dhe për këtë jam penduar”.
