Lënia jashtë treshes finaliste për Topin e Artë 2018 e Lionel Messit ka revoltuar dhe trajnerin e Barcelonës, Ernesto Valverde, i cili në konferencën për shtyp përpara sfidës me Villarreal është shprehur se ky është një turp i UEFA-s.
“Jam aq i befasuar sikurse të gjithë se ai nuk është në podiumin e Topit të Artë. Është e çuditshme, ai ishte lojtari më i mirë në Ligën e Kampionëve, por ne nuk vendosim këto gjëra, është UEFA. Ky është një turp për ta”-përfundoi Valverde.
Sipas parashikimeve, fituesi i Topit të Artë 2018 do të jetë mesfushori i Realit të Madridit Luka Modric. Ceremonia e ndarjes së çmimit do të zhvillohet mbrëmjen e 3 dhjetorit.
