Moment negativ për Gonzalo Higuainin me fanellën e Milanit. Sulmuesi argjentinas, i kthyer në fushë ndaj Torinos, pas dy ndeshjeve pezullim, të marra në duelin ndaj Juventusit, vazhdon që të shfaqë jo vetëm probleme fizike, por edhe ambientimi, duke mos dhënë atë që pritej.
“Pipita”, i huazuar për shifrën e 18 milionë eurove për një sezon nga Juventusi dhe me të drejtë blerjeje për 36 milionë euro të tjerë, duket se është një investim që nuk bind drejtuesit kuqezi. Të paktën për gazetarët e rrjetit “Sky Sport”, drejtori teknik, Leonardo po mendon realisht që të mos ia paguajë Juves pjesën tjetër të parave (ta kthejë Higuainin në Torino) dhe ato t’i investojë në blerjen e ndonjë talenti në Brazil, ku emrat që ai po monitoron janë të shumtë.
