Një dopietë shqetësuese për Eric Maxim Choupo-Moting!
Ish-yllit të Stoke-s i kanë vjedhur për të dytën herë brenda një muaji shtëpinë. Këtë e ka konfirmuar policia franceze ditën e martë.
Këtë herë mesfushorit të PSG i janë vjedhur bizhuteri dhe sende të tjera me vlerë 500,000 euro në shtëpinë e tij në Paris. Në nëntor atij iu vodhën rreth 600,000 euro, mes tyre shumë dhurata të Krishtlindjes sipas revistës Closer.
Choupo-Moting është transferuar te PSG gjatë verës pasi i përfundoi kontrata me Stoke që ra në kategorinë e dytë angleze.
Që prej atij momenti ai ka shënuar një gol në 13 paraqitje me kampionët e Francës. Por kamerunasi nuk është lojtari i vetëm i PSG që i është vjedhur shtëpia. Edhe shokut të ekipit Thiago Silva i janë vjedhur rreth 1 milionë euro javën e kaluar.
Para një viti i është vjedhur shtëpia ish-trajnerit Unai Emery. Një moment i keq për lojtarët e PSG në mes të festave të fundvitit.
