Një përgjigje e paqartë për të ardhmen e Ernesto Valverdes për Barcelonë ka bërë që një numër i madh i trajnerëve të përfshihen në spekulimet për t’u bërë trajneri i ri i klubit katalonas.
Duke pasur parasysh se klubi i La Ligës nuk dëshiron ta ndryshojë shumë stilin e drejtimit të skuadrës me atë që e kanë pasur gjatë viteve të fundit, Barcelona nuk do ta ketë shumë të lehtë ta gjejë një trajner të ri nëse Valverde vendos të largohet.
Shumë prej trajnerëve të cilët do të përshtateshin me stilin e lojës në Barcelonë sapo i kanë rinovuar kontratat e tyre me klubet përkatëse dhe kjo gjë e bën zëvendësimin e Valverdes edhe më të vështirë.
Megjithatë, ka shumë kandidatë të cilët do të ishin të gatshëm t’u thonë lamtumirë klubeve të tyre për t’u emëruar në pozitën e trajnerit të Barcelona. Këta janë disa prej tyre:
Quieque Setien – Real Betis
Laurent Blanc – pa klub
Arsene Wenger – pa klub
Jordi Cruyff – Chongqing Dangdai Lifan
Xavi Hernandez – futbollist në Al Sadd
Ronald Koeman – Holandë
Roberto Martinez – Belgjikë
Frank de Boer – Atlanta United
Thierry Henry – Monaco