Me kuqezinjtë u mësuam ta shohim të xhindosur e të gatshëm për çdo sherr të mundshëm që ndodhte në fushë. Sarri e shpjegoi shpërthimin e tij nga dëshira që ka ai për të fituar, dhe trajneri duket se njeh mirë sulmuesin e tij.
Në ndeshjen e djeshme që Chelsea fitoi ndaj Tottenham me penallti për Carabao Cup, Higuain nuk u regjistrua në kohë për të luajtur në këtë ndeshje. Gjithsesi, kjo nuk e ndali klubin londinez ta prezantojë atë para tifozëve, të cilët e mirëpritën me duartrokitje dhe ovacione.
Në penalltinë e fundit të shënuar nga David Luiz (që i dha kualifikimin për në finale Chelseas), Higuain shpërtheu në festë, duke rikthyer buzëqeshjen në fytyrën e tij, pas gjashtë muajsh zhgënjimi në Milano.
Festa e tij ka vijuar edhe në dhomat e zhveshjes, aty ku ka nguruar ta ndajë gëzimin me trajnerin Sarri. Teksa tifozët ndihet të ekzaltuar për blerjen e tyre më të re, me shpresën se do i japin fund thatësirës në sulm me epokën Diego Costa dhe Alvaro Morata.
