Sot, u konfirmua zyrtarisht se fondi LionRock Capital ka marrë 31.05% të aksioneve të Erick Thohir për shumën e 150 milionë eurove.
Tashmë do të jetë kompania Sunign dhe fondi nga Hong Kongu që do të ndërtojnë Interin e së ardhmes, dhe prej ditës së sotme është zbuluar se klubi zikaltër është pranë marrëveshjes me Cagliarin për të marrë shërbimet e Nicolo Barella.
Këtë fundjavë Piero Ausilio ishte në Cagliari duke e ndjekur nga stadiumi mesfushorin, ndërsa Beppe Marotta është vënë në kontakt me drejtuesit e klubit ishullor për të arritur marrëveshje.
Talenti vlerësohet 50 milionë euro sipas tyre, por te Inter kanë menduar një zgjidhje tjetër: 20-30 milionë euro dhe huazimin e tre lojtarëve të rinj. Bëhet fjalë për Pinamontin, Emers dhe Vanheusden, të cilët mund të ri-blihen sërish nga skuadra e Spallettit në të ardhmen.