Për sa i përket situatës së Timo Werner, dita vendimtare po afron.
Së fundmi, drejtuesi i RB Leipzig Oliver Mintzlaff është shprehur se sulmuesi ose rinovin, ose largohet në fund të sezonit.
Kontrata e 22-vjeçarit skadon në vitin 2020 dhe klubi gjerman, nëse nuk arrin të bindë lojtarin për rinovimin, do të ishte i gatshëm ta linte të largohej për të fituar një shifër të majme.
Interesi për sulmuesin premtues është i madh, teksa raportohet se për të janë afruar Bayern Munich dhe Liverpool i Jurgen Klopp.
Sipas anglezes Metro, Të Kuqtë janë gati të bëjnë një ofertë të parë. Ajo thuhet të jetë rreth 40 mln euro, një shifër e mirë, por me siguri që Leipzig do të kërkojë më tepër duke parë konkurrencën që është krijuar për firmën e tij.
