E ardhmja e Mesut Ozil është larg Arsenal, madje ai do të largohet që në merkaton e janarit. Kjo duket nga përpjekjet e shumta që skuadra londineze është duke bërë për ta shitur lojtarin, kontrata e të cilit me “topçinjtë” skadon në fund të sezonit. Arsenal kërkon ta largojë që tani, në mënyrë që të mos e humbasë atë me kosto zero.
Sipas të përditshmes britanike “Daily Star”, pasi dështoi shkëmbimi me Ivan Parisic të Interit, skuadra e Arsenal synon të bëjë një shkëmbim “kokë më kokë” me mesfushorin francez të PSG-së, Adrien Rabiot. Edhe ky i fundit është duke u larguar nga kampionët e Francës, që gjithashtu kërkojnë të arkëtojnë sa më shumë nga ky transferim.
Si Arsenal ashtu dhe PSG rrezikojnë që të humbasin yjet e tyre me kosto zero më 1 korrik, ndaj mund të bien dakord që të realizojnë këtë shkëmbim. “Topçinjtë” duan të përfitojnë nga fakti se trajneri Tuchel kërkon me çdo kusht një mesfushor dhe Ozil mund të ishte i përshtatshëm për të. Problem në këtë shkëmbim është se për Rabiot është në “pole” skuadra e Barcelonës.
