Historia e tij gjatë verës është përfolur goxha nga mediat sportive në të gjithë Botën.
Ai kishte arritur marrëveshjen për një transferim te Roma, por në momentin e fundit ka marrë një telefonatë nga Barcelona.
Malcom ka refuzuar italianët dhe është nisur menjëherë në Barcelonë për të firmosur kontratën e re.
Megjithatë, ai nuk ka bindur në Camp Nou, sidomos për shkak të rikthimit në formë të Ousmane Dembele.
Dhe tani po përflitet për një transferim në Lindjen e Largët për brazilianin e talentuar.
Siç raporton spanjollja Marca, Guangzhou Evergrande mund të jetë destinacioni i ri i lojtarit, vetëm gjysmë sezoni pasi u shit për 43 mln euro nga Bordeaux.
