Wanda Nara, bashkëshortja dhe menaxherja e Mauro Icardi-t, pasi ka mbaruar disa xhirime në Argjentinë, është kthyer në Milano, ku do të takohet me drejtuesit e Inter-it për të negociuar rinovimin e kapitenit të zikaltërve.
Por duket se Wanda është gati për luftë, duke gjykuar nga mesazhi i postuar në Instagram: “Në përgjithësi i pranoj dhe i harroj pa probleme fjalët e të gjithëve”, ka shkruar Wanda, që ka postuar një fotografi të sajën me gishtin para gojës për të bërë të heshtin kritikët.
