Hektor Idrizaj është futbollisti më i ri i Partizanit.
Ashtu siç edhe pritej, mbrojtësi vlonjat “braktisi” Kamzën për tu veshur i kuq. Ai është prezantuar te kryesuesit aktual të Superligës pak minuta më parë, ku ka nënshkruar edhe kontratën për një vit e gjysëm.
Në Kategorinë Superiore përveç Kamzës, Idrizaj ka qenë pjesë edhe e Flamurtarit, Skënderbeut,Bylisit dhe Teutës.
Mbrojtësi i krahut të djathtë do të mbajë fanelën me numër 4, ndërsa mund të debutojë me të kuqtë ndaj ish-skuadrës së tij, Kamzës këtë fundjavë.
