Daniele Rugani nuk po kalon një moment të mirë te Juventusi, pasi ka përfunduar në stol dhe nuk shikohet si një alternativë e vlefshme nga trajneri Allegri, që i ka dhënë vetëm disa minuta në gjysmën e parë të kampionatit.
Gjithsesi qendërmbrojtësi italian ka shfrytëzuar periudhën e pushimeve, për të harruar këtë moment të vështirë, pasi ka zgjedhur të udhëtojë me të fejuarën e tij Michela Persico, drejt vendeve të ngrohta.
Çifti ka preferuar Maldivet për të shfrytëzuar kohën e ngrohtë atje dhe për t’u relaksuar në plazhet e vendit, ndërsa në mënyrë të vazhdueshme kanë ndarë foto dhe video me fansat në rrjetet sociale.
