Ish-mesfushori i Barcelonës, tani në Vissel Kobe, Andres Iniesta, beson se Liverpooli ka gjasa të mira për ta fituar titullin e Ligës së Kampionëve, duke i bërë kështu konkurrencë edhe vet Barcelonës.
Skuadra e Jurgen Kloppit e ka treguar një formë mbresëlënëse gjatë këtij sezoni, duke e arritur pozitën e parë në tabelën e Premierligës me gjashtë pikë më shumë se klubi në pozitën e dytë, Tottenhami.
Megjithatë, gjërat nuk shkuan kaq mirë edhe në Ligën e Kampionëve për Liverpoolin, pasi që skuadra e Jurgen Kloppit e siguroi me vështirësi një vend në fazën e 1/8 të finales, duke e mposhtur Napolin në ndeshjen e fundit të grupit.
“Është e vështirë të mendosh se ndonjë ditë ata [Manchester City dhe Paris Saint-Germaini- nuk do të jenë afër titullit të Ligës së Kampionëve. Ekipet që i kanë, skuadrat e tyre, investimet, trajnerët, ata duhet të jenë në garë për titull”, ka thënë Iniesta.
“Unë dua ta shtoj edhe Liverpoolin, pasi që ata po duken mirë këtë vit. Problemi me Ligën e Kampionëve është se ata janë në një garë me të vërtetë e vështirë. Por, një ditë e vështirë dhe mund të eliminohesh”.
