Portieri i Borussia Dortmund Roman Burki ka shpallur tërheqjen e tij nga kombëtarja e Zvicrës.
Burki në Instagram: “Pas gjashtë viteve dhe tre turneve me përfaqësuesen zvicerane kam vendosur të fokusohem te klubi ku luaj, Borussia Dortmund.”
Ndeshjen e parë me Zvicrën Burki e ka kryer më 18 nëntor të vitit 2014 në Poloni. Ndeshja e tij e fundit ishte ajo ndaj Japonisë, e fituar 2-0 në qershorin e vitit 2018. Së fundmi ai i ka munguar përfaqësueses për shkak të një dëmtimi, por ka qenë numri dy pas portierit të Monchengladbach Yann Sommer.
Tani ka ardhur lamtumira nga kombëtarja: “Po të kishte emergjenca në skuadër, është detyra ime të tregohem i gatshëm për kombëtaren time.”
Përparësia e portierit është Borussia Dortmund. Me kryesuesit e renditjes së Bundesliga-s ai kërkon të fitojë titullin e parë kampion. Aktualisht ai është grumbulluar me ekipin në Marbella.
