Tifozët e Inter-it nuk janë të shqetësuar vetëm për rinovimin e Mauro Icardi-t, por edhe për atë të qendërmbrojtësit Milan Skriniar, i cili është një nga më të mirët e skuadrës së Luciano Spalletti-t.
Sipas “Tuttomercatoweb” nuk është arritur akoma një marrëveshje mes drejtuesve zikaltër dhe futbollistit sllovak. Beppe Marotta mësohet t’i ketë bërë një ofertë 3.2 milionë euro në sezon ish-yllit të Sampdoria-s, i cili kërkon 4 milionë.
Kështu, oferta e zikaltërve është rritur në krahasim me 2.5 milionët e ofruar herën e fundit, por akoma nuk është e mjaftueshme.
