Në Itali kanë shpërthyer disa polemika për sa i përket sistemit të teknologjisë, VAR. Karlo Freçero, drejtori i “RAI 2”, ka akuzuar Juventusin se favorizohet nga arbitrat.
“Unë tani shikoj vetëm Premier Ligën angleze, sepse në Itali, Juventusi fiton gjithmonë. Kjo sepse ata kanë okupuar të gjitha dhomat e VAR-it, është një gjë e pakuptueshme. Edhe VAR-i kontrollohet nga ata, i manovrojnë të gjitha. Kjo është irrituese”, ishte deklarata e tij që do të shkaktojnë reagime në Seria A. Juventus udhëheq kampionatin italian e shkëputur me 9 pikë nga Napoli ndjekës.