Neymar pësoi një dëmtim kundër Strasbourg në ndeshjen e luajtur të mërkurën kundër Strasbourg në Kupën e Francës dhe është kritikuar shumë për sjelljen e tij në fushën e lojës.
I fundit që e ka bërë këtë ka qenë kampioni i botës në 1998-ën, Bixente Lizarazu, i cili ka kritikuar ndërhyrjet e mbrojtësve, por ka thënë edhe se braziliani i ka provokuar ata me lojën e tij.
“Unë e kuptoj reagimin e lojtarëve të Strasbourg, edhe pse nuk jam dakord me mënyrën si e shprehën inatin e tyre”, ka thënë Lizarazu për “Telefoot”.
“Ne mund të kritikojmë mbrojtësit, por është e vërtetë se Neymar i ka provokuar ata. Nuk është e nevojshme që ai ta bëjë këtë, veçanërisht duke parë sa i brishtë që është”.
