Juventus shumë pranë eliminimit nga Kupa e Italisë. Kur janë luajtur vetëm 45’ minutat e para të takimit, skuadra e Atalantas kryeson me dy gola, përballë “Zonjës së Vjetër” të shpërfytyruar në vetëm 2 minuta.
Ishin zikaltërit ata që në minutën e 37’ kanë befasuar me Castagne, ndërsa vetëm dy minuta më vonë, në të 39’ ishte Zapata ai që dyfishoi rezultatin.
Një goditje e rëndë për trajnerin e Juventus, Massimiliano Allegri, i cili nuk ka duruar më, por ka hequr xhupin e tij dhe nisur të protestojë, aq sa për të irrituar arbitrin, i cili e ka dërguar teknikun në tribunë për të ndjekur pjesën tjetër të ndeshjes.
Nga ana tjetër, dy futbollistët e kombëtares së Shqipërisë, Berat Gjimshiti dhe Etrit Berisha gëzojnë, teksa nëse do të ruajnë fitoren, përgatiten të përballen në gjysmëfinale me Fiorentinën.
