Po luhet në fushën sportive “Redi Maloku” të Fushë-Krujës, sfida mes Kastriotit dhe Partizanit e vlefshme për raundin e dytë të Kupës së Shqipërisë. Të dy skuadrat do të tentojnë ta nisin me fitore vitin 2019-të, teksa të kuqtë janë padyshim pretendentët kryesor në letër.
Përballja ndaj Kastriotit është vlerësuar maksimalisht nga trajneri Skënder Gega, paçka se të premten të kuqtë i pret një ndeshje shumë e rëndësishme për kampionat kundër Skënderbeut në transfertë.Ndërkohë për trajnerin e krutanëve Bledar Devolli kjo do të jetë ndeshja e parë zyrtare në stolin e Kastriotit.
Të dy teknikët kanë bërë publike edhe formacionet zyrtare, ku nuk mungojnë surprizat. Gega ka preferuar nga minuta e parë në sfidën e sotme, Hebaj dhe Çinarin, ndërkohë bie në sy aktivizimi si titullar i mbrojtësit Lum Rexhepi që u afrua në merkaton e janarit.
KASTRIOTI-PARTIZANI 2-3
Vatnikaj 13′, Shehi 71′ / Hebaj 31′, 75′, Mensah 41′, Trashi 70′
KOMENTI LIVE:
75′ GOOOOL PARTIZANI 2-4. Ruben Hebaj shënon golin e dytë personal dhe të 4-tin për Partizanin. Pas një topi të harkuar nga e majta, sulmuesi shkodran nuk ka falur nga brenda zonës duke shënuar me lehtësi.
71′ GOOOL KASTRIOTI 2-3. Juljan Shehu ngushton diferencën vetë disa sekonda pas golit të Trashit. Pas një harkim nga e djathta, Shehu godet bukur me kokë duke mposhtur portierin Xhika.
70′ GOOOL PARTIZANI 1-3. Lorenc Trashi trefishon rezultatin. Pas një gabimi të portierit Puja, i cili ja dorëzon topin lehtësisht futbollistëve të Partizanit, që nuk falin duke shënuar për herë të tretë.
66′ Zëvendësim i tretë edhe te Kastrioti, largohet Husein, në lojë Caca.
65′ Zëvendësim i tretë te Partizani, largohet nga fusha e lojës Mensah, vendin e tij e zë Jurgen Bardhi.
61′ Rrëmujë në zonën e Kastriotit, Labinot Ibrahimi nuk arrin të përfitojë, teksa më pas shkakton faull.
60′ Zëvendësim te Kastrioti, largohet Vatnikaj, në lojë Taulant Marku.
56′ Zëvendësimi i dytë në radhët e të kuqve largohet Atanda në fushë Lorenc Trashi.
55′ Pranë golit Kastrioti me Herald Markun, gjuajtja e futbollistit krutan shkon ngjitur me shtyllën.
46′ Starton pjesa e dytë.