Mbrëmjen e së martës janë ndarë çmimet e kontinentit afrikan, ku përfshihen Lojtari i Vitit, Formacioni i Vitit apo Goli i Vitit.
Siç parashikohej, lojtari më i mirë afrikan për vitin 2018 është shpallur Mohamed Salah, i cili ka udhëhequr përfaqësuesen e Egjiptit drejt Kupës së Botës dhe ka bërë një sezon të madh me Liverpool.
Shoku i tij i ekipit Sadio Mane dhe Pierre-Emerick Aubameyang i cili luan tek Arsenal kanë qenë dy kandidatët e tjerë.
Ndërkohë Lojtari i Ri më i Mirë është shpallur Achraf Hakimi, i cili aktualisht është huazuar nga Real Madrid te Borussia Dortmund dhe ka përfaqësuar Marokun në Botëror.
Trajneri i tij Herve Renard është shpallur Trajneri i Vitit, ndërsa formacioni më i mirë ishte i mbushur me yje.
Aty nuk mungonin lojtarë si Koulibaly i Napolit, Keita i Liverpool apo Mahrez i Manchester City-t.
