Trajneri i Barcelona-s Ernesto Valverde ka lënë të riun Malcom jashtë skuadrës për sfidën e së dielës ndaj Eibar.
Braziliani ka vuajtur të ambientohet te kampionët e La Liga-s që kur iu bashkua nga Bordeaux verën e kaluar.
Dhe ai do të rikthehet në shkallët e stadiumit pasi ishte pjesë e skuadrës në përballjen me Levante në Copa del Rey, ku Barcelona u mposht.
Philippe Coutinho, i cili është përfolur për një kalim te Manchester United, dhe Denis Suarez, i cili kërkohet nga Arsenal, do të jenë të pranishëm në Camp Nou.
Ndërkohë Valverde ka konfirmuar se kërkon të shtojë lojtarë në organikën e tij përpara se të mbyllet merkato e dimrit në fund të janarit.
Ai tha: “Duhet të shohim tregun, por kuptohet që me largimin e Munir kemi hapësira në skuadër.
“Do të shohim nëse mund të blejmë një lojtar, megjithëse duhet të kemi kujdes për shkak të pozitës financiare të klubit.
