Ka zbarkuar në Londër verën e kaluar me kërkesë të trajnerit të Chelseat, Maurizio Sarri, i cili e ka patur nën urdhrat e tij te Napoli. Dhe Jorignho është një titullar i pazëvendësueshëm në radhët e skuadrës londineze, edhe pse në javët e fundit ka marrë disa kritika.
Para ndeshjes me Newcastle, të fituar 2-1 nga Chelsea, braziliani ka zbuluar ritualin që bën para ndeshjeve: lutet për shokët e skuadrës dhe për kundërshtarët.
“Më pëlqen të lutem para ndeshjeve, për të falënderuar Zotin për gjithçka dhe për t’i kërkuar që askush të mos dëmtohet”, ka thënë ish-mesfushori i Napolit.
Në vazhdim ai ka zbuluar edhe ritualet e shokëve të skuadrës: “Ka nga ata që futen në fushë me një këmbë të caktuar, ose ata që nuk duan të prekin vijat e fushës, edhe gjatë ndeshjes”, ka thënë Jorginho.
