William Carvalho, mesfushori portugez i Betisit, do të përballet me Real Madrid mbrëmjen e sotme. Një Real që nuk do të ketë në ekip Cristiano Ronaldo-n, i transferuar tek Juventus verën e kaluar.
Pikërisht për këtë operacionin ka folur ylli i Betis në një intervistë të dhënë për “Marca”. “Nuk po kalojnë një moment të mirë”, ka thënë Carvalho. “Çfarë mungon? Mendoj se mungojnë kryesisht golat e Ronaldo-s”.
“Mungesa e tij ndihet shumë. Tek Juventus do të shënojë shumë gola. A do ta kisha shitur unë CR7-ën? Absolutisht jo, as për 100 milionë euro dhe as për 200 milionë. Janë të paktë lojtarët si ai dhe është e pamundur të zëvendësohen”.
