Sadio Mane ka paralajmëruar rivalët për titullin kampion Manchester City se Liverpool akoma nuk ka arritur formën maksimale.
Skuadra e Jurgen Klopp ndodhet në krye të renditjes me katër pikë avantazh ndaj Qytetarëve të Pep Guardiola-s dhe kanë humbur vetëm një ndeshje këtë sezon të Premier League.
“Kemi dëgjuar nëpër medie të ndryshme se nuk e nisëm sezonin duke luajtur futboll të shpejtë si sezonin e kaluar,” shprehet ai për World Soccer.
“Rezultatet kanë ardhur, por e dimë se mund të kishim bërë më shumë në disa raste. Jemi tepër konkurrues, por akoma nuk kemi arritur formën maksimale.
“Në shumë aspekte ekipi është më i fortë dhe kemi bërë disa paraqitje shumë të pjekura.
“Shpresojmë të arrijmë kulmin atëherë kur të ketë rëndësi më shumë, në muajt e fundit të sezonit.”
