Lajme të këqija për Barcelonën dhe për të gjithë klubet e tjerë të mëdhenj të Europës që janë të interesuar të sigurojnë shërbimet e dy talenteve të Ajax-it të ri, mbrojtësin Matthijs de Ligt dhe mesfushorin Frenkie de Jong.
Paris Saint-Germain ka vendosur të futet në garë për të siguruar dy lojtarët dhe ka përgatitur një ofertë që është cilësuar si “jashtë tregut” nga e përditshmja spanjolle, që nuk ka përmendur shifra.
Ajax kërkon rreth 80 milionë euro për secilin nga lojtarët, të cilët dukej se do të përfundonin te Barcelona. Kjo ndërhyrje e francezëve, që duket e lidhur ngushtë me kalimin pothuajse të sigurt të Adrien Rabiot te katalanasit, mund të ndryshojë gjithçka.
