Futboll Premier League Sport

RASHFORD TITULLAR TEK MAN UNITEDI/ Solskjaer ul 82 milionë euro në stol…

Marcus Rashford është zgjedhur si numri 1 i sulmit të Manchester United nga Ole Gunnar Solskjaer, i cili ka vendosur të ulë në stol Romelu Lukaku-n.

Të dy yjet e “Djajve të Kuq” kanë shënuar nga tre gola që nga momenti që norvegjezi ka marrë vendin e Jose Mourinho-s në dhjetor. Por Solskjaer ka folur me Rashford dhe i ka bërë të qartë se ai do të jetë qendërsulmuesi titullar.

Anglezi nuk ka shkëlqyer nën drejtimin e trajnerit portugez dhe është përfolur për një largim në merkaton e janarit. Por duket se 21-vjeçari ka gjetur formën e mëparshme në javët e fundit, duke shënuar kundër Newcastle, Bournemouth and Cardiff.

Pas fitores 2-0 ndaj Newcastle, Solskjaer ka thënë për Rashford: “Ai lufton gjatë gjithë kohës dhe vrapon shumë. Do të bëhet një numër 9 i shkëlqyer”.

Romelu Lukaku nuk ka qenë në  dispozicion për arsye familjare në momentin që Solskjaer ka marrë drejtimin e skuadrës dhe mungesa e belgut i ka dhënë një mundësi Rashford për të shkëlqyer.

Lukaku, i blerë për 82 milionë euro nga Everton, është aktivizuar nga stoli dhe ka shënuar gol në të dy ndeshjet e fundit të luajtura në Premier League. Gjithashtu, ai ka shënuar golin e dytë të United në ndeshjen e luajtur si titullar kundër Reading në Kupën e Anglisë.

United, që ka fituar pesë ndeshjet e fundit, do të përballet me Tottenham në  “Wembley” këtë të diel dhe Rashford pritet të jetë titullar.

Related posts

Gashi protagonist te Kolorado, sulmuesi SHQIPTAR zgjidhet lojtari i ndeshjes

Isa.Autor

MANCHESTER CITY – BOURNEMOUTH/ Periudhë fantastike për ekipin e Guardiolës (FOTO)

Isa.Autor

NGA AFRIMET TEK HUAZIMET/ “Galaktikët” e Realit, 17 lëvizje për t’i bërë vend yllit Mbappe

Delo.autor

Leave a Comment