Dele Alli do të mungojë për gjashtë javë pas tërheqjes muskulore të pësuar gjatë sfidës me Fulham të dielën.
Ky është një tjetër lajm i keq për Tottenham, 22-vjeçari do t’i bashkohet Harry Kane në infermieri në një moment të rëndësishëm për klubin.
Alli, i cili do të mungojë në gjysmëfinalen e Carabao Cup ndaj Chelseat, doli nga fusha duke çaluar në minutën e 88-të.
Kane do të mungojë deri në mars pas dëmtimit në kavilje që pësoi ndaj Manchester United.
Ndërkohë Dembele dhe Son gjithashtu do të qëndrojnë larg fushës, i pari për një dëmtim ndërsa i dyti është duke luajtur në Kupën e Azisë për Korenë e Jugut.
Spurs aktualisht janë në vend të tretë të Premier League, nëntë pikë më pak se Liverpool. Tani ekipi i Pochettino-s pritet të ngelë akoma më mbrapa pasi ka një emergjencë të vërtetë në repartin ofensiv.
