Me pak ditë të mbetura deri në skadimin e afatit, në kulmin e merkatos dimërore, drejtori i përgjithshëm i fushës tekniko-sportive të Milan, Leonardo është rikthyer në argumentin “Ibrahimovic”, duke zbuluar motivin pse dështoi objektivi për rikthimin e suedezit te kuqezinjtë.
“Tentativat për Ibrahimovic dhe Fabregas nuk u bllokuan nga linja që vendosëm mbi merkaton, por nga situata të merkatos. Të gjitha zgjedhjet janë të miratuara nga të gjithë në klub, edhe nga trajneri”, deklaroi Leonardo gjatë konferencës për mediat, të mbajtur për prezantimin e Piatek.
