Bajerni ka marrë një fitore të rëndësishme përballë Shtutgardit, me rezultatin e pastër 4-1. Skuadra e drejtuar nga Niko Kovaç, i është kundërpërgjigur Dortmundit, me një poker.
Bavarezët hapën serinë e golave në minutë e 5-të, me anë të Tiago Alkantarës. Shtutgardi nuk vonoi dhe në minutë e 24-të, barazoi me anë të grekut Donis. Pjesa e parë u mbyll në barazim, ndërsa e dyta nisi me një autogol, që çoi bavarezët në epërsi. Levandovski dhjetë minuta më vonë humbi penalltinë, por Gorexa vulosi fitoren. Për qershinë mbi tortë mendoi polaku shtatlart Levandovski, duke shlyer gabimin e penalltisë.
Kështu ekipi i Kovaçit, ruajti diferencën e 6 pikëve nga Dortmundi dhe duket se do të ketë një luftë të ashpër për titull këtë fazë të dytë në Gjermani.
