Vendimi i Arsenal për t’i dhënë fund në mënyrë të parakohshme regjimit të Arsene Wenger i ka kushtuar klubit 20 milionë euro.
Shifra nuk ka shkuar vetëm në xhepat e trajneri francez, por përveç tij janë likuiduar edhe pjesëtarët e stafit teknik.
Wenger, 69, është larguar në fund të sezonit pas 22 viteve në krye të klubit, por me një vit të mbetur në kontratën e tij.
Llogaritë e klubit tregojnë se Arsenal i ka paguar rrogën e plotë për vitin e mbetur, ndërsa pjesa tjetër e parave i ka kaluar pjesëtarëve të tjerë të stafit teknik.
Sir Chips Keswick, pronari i Arsenal, ka pranuar se mungesa e kualifikimi në Champions League ka ndikuar ndjeshëm në buxhetin financiar të klubit.
Dhe për këtë arsye trajneri aktual Unai Emery nuk është në gjendje të përforcojë të gjithë pozicionet e fushës.
