Ylli i skuadrës së Lille, Rafael Leao, ishte më i mirë se Cristiano Ronaldo kur ishte yll në akademinë e të rinjve. Kështu thotë ish-trajneri i tij, Tiago Fernandes.
Leao, i cili është duke shkëlqyer për Lille në këtë sezon në Ligë 1, teksa ka shënuar 6 gola në 13 ndeshje, ka dalë nga akademia e Sportingut të Lisbonës, ashtu si bashkatdhetari i tij Ronaldo.
Trajneri Fernandes beson se 19-vjeçari është lojtari më i mirë në hisotri të Akademisë së Sportingut.
“I bëra presion Jorge Jesusit (trajnerit të atëhershëm të Sportingut), ta merrte në ekipin e parë dhe i thashë: ‘Po, Gelson Martins ka talent, por Rafael është lojtari më i mirë në histori të Akademisë së Sportingut’”, tha Fernandes.
Në nivelin e të rinjve, ai beson, Leao ishte më i mirë se Cristiano.
“Në nivelin e të rinjve, ai ishte më i mirë se Cristiano Ronaldo. Kur ai vendos të jetë vendimtar, i tillë është. Ai thjesht vendos dhe e bën”, shtoi trajneri.
