E përditshmja spanjolle “Don Balon” ka zbuluar sot se sulmuesi kolumbian Radamel Falcao ishte pranë transferimit te Real Madrid në merkaton e janarit. Ky transferim nuk u realizua për një arsye: Sergio Ramos. Kapiteni i “los blancos” ka vënë veton, duke paralajmëruar presidentin e klubit Florentino Perez se ardhja e sulmuesit kolumbian do të prishte ekuilibrat e skuadrës dhe të repartit sulmues.
Falcao, 32 vjeç, luan në Francë me skuadrën e Monaco, nga e cila ai synonte të largohet, pasi ekipi është në vendet e fundit në renditje dhe rrezikon rënien nga kategoria. Skuadra “merengues” ka menduar seriozisht për të afvruar një sulmues me përvojë si Falcao, që do të ndihmonte skuadrën e Real në pjesën e dytë të sezonit. Por Ramos ka kundërshtuar transferimin e sulmuesit kolumbian.
