Manchester City ka fituar 2-0 ndaj Everton duke u rikthyer në krye të renditjes së Premier League.
Miqtë gjetën golin e avantazhit në fund të pjesës së parë, me goditjet e parë në kuadrat.
Pas një krosi të bukur në zonë, ishte Laporte ai që kërceu mbi të tjerët duke shënuar golin që vlen tre pikë për Qytetarët.
Goli i dytë është shënuar nga Gabriel Jesus në fund të pjesës së dytë.
Me këtë rezultat, City shkon në kuotën e 62 pikëve, aq sa Liverpool, por me një golavarazh më të mirë.
Trajneri Marco Silva i Everton kishte bërë plot pesë ndryshime nga ndeshja e fundit, ndërsa Guardiola e nisi me Sane në vend të Sterling.
Gjatë pjesës së dytë, City e menaxhoi mirë ndeshjen ndaj një Everton-i që po kalon një formë jo të mirë.